LIRIKA: Cehenneme dushsem

Cəhənnəmə düşsəm




"Mal-dövlətim sipərdir" ağıllı cahil deyir

Allah göydədir, yerdədir dünya işləri

Allah uzaqdadır, dünya mali yaxında

Amma varmı onun xeyri?

Əgər cəhənnəmə düşsəm ...



Pulum, evim-eşiyim, zinətim, maşınım var

Arvad-uşağım öz yerində, məşuqəm - ulduzdur, yani „super star"

Qohum-əqrəbə, dost-tanışım paxıllıq edir hər an

Amma varmı bunun faydası?

Sonra cəhənnəmə düşsəm ...



İşlərim keçsin deyə yaman yaltaqlanıram bəzən

Kimə lazım – şirinlik, kimə lazım – hörmət edənəm

Neyniyim, bu dünyanın işləri keçməz, gözə girməsən

Amma nədir onun bəhrəsi?

Nəticədə cəhənnəmə düşsəm ...



Qəbir daşım olsa mərmər, yola salan – Sheyx ul-İslam

Yasa bərkgedənlər gəlsələr, yeyib-içməyə dönsə ehsan

Mənim üçün mollalara günde "Yasin" oxutdurulsa belə

Nədir məqbərənin, fəxri xiyabanının faydası?

Ölüb, cəhənnəmə düşsəm …



Ömür boyu yaxşı alver etmişəm

Çox şey ucuz alub baha satmışam

Sən demə cənnətdəki yerimi ucuz vermişəm

Bəs nədir onda bu alverin xeyri?

Əger cəhənnəmə düşsəm …



Neyimədir bu dünyanın yaraşıgı?

İşde cəhənnəmə düşsəm ...

Nədir həyatımın mənası?

Sonda cəhənnəmə düşsəm.