LIRIKA: Nə o yan, nə bu yanam

Nə o yan, nə bu yanam


Xalqın gözü dəydi mənə,
Xalqın sözü saldı ələ,
Olmadıq nə aşıq, nə əllamə,
Nə o yan, nə bu yanam.

Allah çəkdi sınağa,
Haqqı qoydum qırağa,
Günah yazıldı ayağa,
Nə o yan, nə bu yanam.

Yaradanı qoydum darda,
Nəfsimə uymuş halda,
Ruhum qaldı arada,
Nə o yan, nə bu yanam.

Oldum mən də biganə,
Tələb etdi zəmanə,
Qarışdı modern-ənənə,
Nə o yan, nə bu yanam.

Yarı-müsəlman, yarı-kafir,
Bir az şər, bir az xeyir,
Görəsən bu qatar hara gedir,
Nə o yan, nə bu yanam.

Dinim yasda düşür yada,
Batır dua şərabda,
Hicab ayaq altında,
Nə o yan, nə bu yanam.

Qazanmadım axirətdən, dünyadan,
Yığa-yığa oldum talan,
Nə Yin çıxdım, nə də Yanq,
Nə o yan, nə bu yanam.